दोलखाको तामाकोशी गाउँपालिकाले शिक्षामा सुधार ल्याउनको लागि कक्षा ८ देखि १० कक्षा सम्मको परिक्षा केन्द्र तोकेर आफैले परिक्षा संचालन गर्ने भएको छ । 
परिक्षाको कपि जाँच पालिकालेनै गर्ने र परिक्षाको परिणाम अनुसार विद्यालयको ग्रेड निर्धारण गरिने शिक्षा शाखा प्रमुख विमल प्रसाद निराैलाले जानकारी दिनुभयो । 
यसका लागी सम्पुर्ण जिम्मेवारी विषयगत शिक्षक समितीलाइ दिइने बताइएको छ ।अहिले धमाधम बिषयगत पालिकास्तरिय समिती गठन भइरहेको छ ।
हरेक वर्ष पालिकाले शिक्षा क्षेत्रमा सुधार गर्नको लागि शिक्षामा धेरै बजेटको व्यबस्था गरेको तामाकोशी गाउँपालिका अध्यक्ष प्रोणप्रताप केसीले बताउनुभयो । शिक्षा क्षेत्रको सुधारका लागी विज्ञान,सामाजिक,नेपाली र अङ्ग्रेजी विषयको पालिकास्तरिय समिती गठन भएर काम पनि भैरहेको उहाँले बताउनुभयो । समितीमा विज्ञान विषयको संयोजक अम्मर माध्यमिक विद्यालयका प्रधानाध्यापक नवल किसोर झा हुनुहुन्छ भने सामाजिक विषयको संयोजक श्री सितापाइला मा.वि.का प्रधानाध्यापक अर्जुन गौतम रहनुभएको छ । यसैगरी अङ्ग्रेजी विषयको संयोजक महेन्द्र मा.विका प्रधानाध्यापक पवन राज खड्का रहनुभएको छ भने नेपाली विषयको संयोजकमा कालिका माविका शिक्षाक कालु जिरेल रहनुभएको छ ।
                                    

1 वर्ष पहिले    786 Post Views