दिपक बस्नेत 
असार १८, तामाकोशी । 
गाउँघर साना किसान कृषि सहकारी संस्था मेलुङ गाउँपालिका वडा नम्बर ६ मेलुङले आलु वाली प्रर्वद्धन कार्यक्रम अन्तर्गत हाते ट्याक्टर वितरण गरेको छ । 
दोलखाको मेलुङ गाउँपालिका वडा नम्बर ६ मेलुङमा रहेको गाउँघर साना किसान कृषि सहकारी संस्थाले विगतमा पनि विभिन्न योजना मार्फत किसान सहयोग कार्यक्रम गर्दै आएको छ । र सोहि कार्यक्रम अन्तर्गत यो पटक कृषि ज्ञान केन्द्र रामेछापको सहकार्यमा हाते ट्याक्टर वितरण गरेको हो । 
ज्ञान केन्द्रकै सहयोगमा आलु वाली प्रर्वद्धन कार्यक्रम अन्तर्गत गत माघमा आलुको वीउ वितरण गरेको संस्थाका व्यवस्थापक भुप प्रसाद चापागाँईले जानकारी दिनुभयो । सोहि कार्यक्रम अन्र्तगत स्प्रेयर १० थान, सिँचाई पाइप तीन हजार  पैंतिस मिटर, साना हाते औजार वितरण गरिसकिएको व्यवस्थापक चापागाँईको भनाई छ । 
गाउँघर साना किसान सहकारी संस्थाका अध्यक्ष श्रीराज पोखरेलले एक कार्यक्रमका विच सदस्य किसानलाई १० थान ट्याक्टर वितरण गर्नु भएको हो । 
                                    

1 वर्ष पहिले    1059 Post Views