दोलखाको तामाकोशी गाउँपालिकाले विद्यालय शिक्षा सुधारका लागी विभिन्न योजनाहरु ल्याएको छ । 
योजना मध्ये गाउँपालिकाको शिक्षा शाखाले खस्कदै गएको सामुदायीक विद्यालयको शिक्षामा सुधार गर्न विषयगत शिक्षकहरुको विषयगत समिती धमाधम चयन गरिरहेको छ । जसमध्ये सामाजिक, नेपाली र अङ्गेजी विषयको समिती गठन गरेको हो। 
अन्य विषयको समिती गठन हुने क्रममा रहेको गाउँपालिकाका शिक्षा शाखा प्रमुख विमल प्रसाद निरौलाले बताउनुभयो । समिती गठन सगै गाउँपालिकाले पौष १ गतेदेखी अनिवार्य विद्यालयले खाजाको व्यबस्था गर्ने निरौलाले बताउनु भयो ।
पालिकाले कक्षा १२ सम्मका विद्यार्थी, शिक्षक र कर्मचारीलाइ पनि खाजाको व्यबस्था हुनेगरी बजेटको व्यबस्था गर्ने पालिकाका अध्यक्ष प्रोण प्रताप के सीले बताउनुभयो । अध्यक्ष केसिका अनुसार कक्षा ५ सम्मका विद्यार्थीलाई संघिय सरकारले खाजा ब्यबस्था गरेको र पालिकाले कक्षा ६ देखि १२ सम्मका विद्यार्थी लगाएत शिक्षक र कर्मचारीलाइ पन्ध्र रुपैया बराबरको खाजाको व्यबस्था गरिने छ । 
यस्तै गाउँपालिकाले अतिरित्त कक्षा संचालन, मासिक परिक्षा संचालन र तालिमका लागी पनि आवश्यक योजना भएको बताउँनु भयो । आज भएको अङ्ग्रेजी विषयको समिती गठन कार्यक्रमलाइ सम्बोधन गर्नुहुदै अध्यक्ष केसीले भन्नुभयो– “पालिकाको शिक्षा कमजोर बन्यो अब सुधार गर्नुपर्छ । यसका लागी पालिकाले बजेट बढाएको छ ।” उहाँले सम्पुर्ण शिक्षक अभिभाबक र गाउँपालिका मिलेर शिक्षामा सुधार गर्नका लागी काम गर्नुपर्ने बताउनुभयो । यसका लागी सबैभन्दा बढि शिक्षकको जिम्मेवारी भएको हुदा शिक्षकलाई जिम्मेवार हुन निर्देशन दिनुभयो ।
                                    

5 महीना पहिले    346 Post Views