अन्तर्राष्ट्रिय स्वयंसेवा दिवसको अवसरमा दोलखाको तामाकोशी गाउँपालिकाले "स्वास्थ्य क्षेत्रमा दिगो विकास महिला सामुदायिक स्वास्थ्य स्वयंसेविकाको सयुक्त प्रयास" भन्ने नारा सहित २० औँ राष्ट्रिय महिला सामुदायिक स्वास्थ्या स्वयंसेवीका दिवस मनाएको छ । 
आज पालिकाले तामाकोशी गाउँपालिका भित्रका स्वास्थ्य स्वयंसेवीका माहिलालाई गाउँपालिका कार्यालय जफेमा भेला गराएर दिवस मनाएको हो । दिवसको अवसरमा पालिकाले स्वयम् सेविका महिलालाई प्रमाण पत्र र पछेउराले सम्मान गरेको थियो ।  पालिका भित्रका स्वयंसेवीकाहरू कार्यक्रम सुरु हुनुभन्दा विभिन्न नारा सहित र्यालीमा सहभागी भएका थिए ।
 तामाकोशी गाउँपालिकाका प्रमुख प्रशासकीय अधिकृत बद्री प्रसाद वाग्लेको सभापतित्वमा भएको कार्यक्रममा तामाकोशी गाउँपालिका अध्यक्ष प्रोण प्रताप केसीले स्वयम् सेविकाको लागि गाउँपालिकाले थप सहयोग गर्ने बताउनुभयो ।
कार्यक्रममा जिल्ला स्वास्थ्य कार्यलय लोलखाका प्रमुख उत्तमराज खनाल , महिला सामुदायिक स्वास्थ्य स्वयम् सेवी फोकल पर्सन पवन भट्टले मन्तव्य व्यक्त गर्नु भएको थियो । कार्यक्रममा पालिका भित्रका वडा अध्यक्ष, कर्मचारी, पत्रकार, सुरक्षाकर्मी लगायतको उपस्थिति रहेको थियो । कार्यक्रमको सहजिकरण पालिकाका स्वास्थ्य शाखा प्रमुख अरुण कुमार मिश्रले गर्नु भएको थियो ।






                                    

1 वर्ष पहिले    294 Post Views