दिपक बस्नेत
असार १०, तामाकोशी ।
तामाकोशी गाउँपालिकाले आगामी आर्थिक बर्षको नीति तथा कार्यक्रम पारित गरेको छ ।
गाउँपालिकाका अध्यक्ष प्रोण प्रताप के.सी.को अध्यक्षतामा हिजो बसेको दोस्रो गाउँसभाको तेस्रो अधिवेसनबाट आगामी आर्थिक बर्ष २०८०/८१ नीति तथा कार्यक्रम परित गरेको हो । नीति तथा कार्यक्रममा शिक्षा सुधारको लागि प्रथामितामा राखेर बजेट व्यवस्था गरेको छ ।
तामाकोशी गाउँपालिकाका उपाध्यक्ष सृजना खड्का सुवेदीले न्यायिक समितिको प्रतिवेदन, राजश्व परामर्श समितिको प्रतिवेदन, आर्थिक विधेयक २०८०, विनियोजन विधेयक २०८०, रोजगार रणनीति योजना २०८० प्रस्तुत गर्नुभएको थियो । प्रस्तुत गरिएका सवै कार्यसूची गाउँसभाले पारित गरेको छ भने कार्यक्रममा कार्यपालिका सदस्य तथा वडा नम्बर ५ सहरेका वडा अध्यक्ष शम्भु प्रसाद पुयालले प्रस्तुत गर्नुभएको शिक्षा ऐन २०७५ संशोधन प्रस्तापमा गाउँसभाले सर्वसम्मत पारित गरेको छ । गाउँसभाले तामाकोशी गाउँपालिका वडा नम्बर १ भिरकोटका वडा अध्यक्ष बसन्त थापाको संयोजकत्वमा बेरुजु फस्यौंट समिति पनि गठन गरेको छ ।
हिजो राति अवेसम्म लगाएर सकिएको गाउँसभा केहिवेर रोकिदै फेरी संचालन हुदै गरेको थियो । कार्यक्रममा तयार पारिएको बजेटमा हेरफेर गरिएको भन्दै असहमति जनाएर केहि कार्यपालिका सदस्य र गाउँसभा सदस्य बैठकमा उपस्थित नभएपछि केहि बेर रोकिएको थियो । बेलुका अवेर सम्मलगाएर भएपनि गाउँपालिकाले नीति तथा कार्यक्रम पारित छ ।
3 महीना पहिले
424 Post Views
