दिपक बस्नेत 
जेठ २७, तामाकोशी  
दोलखाको तामाकोशी गाउँपालिकाले पालिका भित्रका विद्यालय शिक्षक र विद्यार्थीलाई सम्मान गरेको छ । 
शैक्षिक सत्र २०७८ को एसइई र शैक्षिक सत्र २०७९ को गाउँपालिका स्तरीय आधारभुत तह कक्षा ८ उत्र्तीर्ण परिक्षाको नतिजा अनुसार उत्कृष्ट विद्यालय शिक्षक र विद्यार्थीलाई सम्मान गरेको हो । 
तामाकोशी गाउँपालिका शिक्षा शाखाको आयोजनामा भएको कार्यक्रममा गाउँपालिकाका अध्यक्ष प्रोण प्रताप के.सीले शिक्षक विद्यार्थीलाई सम्मान गर्नुभएको थियो । कार्यक्रममा पालिका भित्रका उत्कृष्ट शिक्षक विद्यार्थीको सहभागिता रहेको थियो । 
तामाकोशी गाउँपालिका भित्रका विद्यालय मध्ये श्री सीतापाईला माध्यमिक विद्यालय वडा नम्बर ३ जफे आधारभुत तह कक्षा ८ को परिक्षामा प्रथम भएको छ । विद्यालय शिक्षक र विद्यार्थी सम्मान कार्यक्रममा विद्यालयका छात्र छात्रा र विषयगत शिक्षक तर्फ ५ विषयमा उत्कृष्ठ भई गाउँपालिकाबाट पुरष्कृत भएको श्री सीतापाईला माध्यमिक विद्यालय पालिका भित्रको विद्यालयहरु मध्ये उत्कृष्ट भएको छ  । 
पालिका भित्रका अन्य विद्यालयका विषयगत शिक्षक पनि सम्मानित हुनुभएको छ । तामाकोशी गाउँपालिका वडा नम्बर १ भिरकोट स्थीत नारायणी माध्यमिक विद्यालयका अंग्रेजी विषयका शिक्षक सन्तोष कार्कीले आफुले पाएको उत्कृष्ट पुरष्कार वापतको रकम विद्यार्थी छात्रवृत्ति कोषमा जम्मा गर्ने आफ्नो समाजिक संजाल मार्फत घोषण गर्नुभएको छ । 
                                    

1 वर्ष पहिले    1363 Post Views