दिपक बस्नेत
बैशाख ३१ , तामाकोशी ।
नेपाल प्रेस युनियन दोलखाको नर्वौ जिल्ला अधिवेशन सम्पन्न भएसँगै नवौं अधिवेशनवाट नेपाल प्रेस युनियन दोलखाको अध्यक्षमा सुजन काफ्ले निर्विरोध निर्वाचित हुनु भएको छ ।
समितिको उपाध्यक्षमा उपेन्द्र सुवेदी, महिला उपाध्यक्ष शुसिला कार्की,सचिव सुवास बस्नेत,सहसचिव प्रेम तमाङ,कोषाध्यक्ष कृष्ण प्रसाद भण्डारी चयन हुनु भएको छ । सदस्यहरुमा हरि खत्री, बाबुराम थापा, शिव सापकोटा, भिष्म खड्का, पर्शुराम जोशी र ईश्वर बल्लभ थापा चयन हुनु भएको नेपाल प्रेस युनियन दोलखाले जनाएको छ ।
नेपाल प्रेस युनियन दोलखाका अध्यक्ष दीपशङ्कर चौलागाईको अध्यक्षतामा सम्पन्न कार्यक्रममा नेपाली कांग्रेसका केन्द्रीय सदस्य एवं बागमति प्रदेश सभा सदस्य कुन्दनराज काफ्ले, कांग्रेस केन्द्रीय सदस्य अजयबाबु शिवाकोटी, नेपाली कांग्रेस दोलखाका सभापति बर्मा लामा, प्रेस काउन्सिल नेपालका सदस्य चिरञ्जीवी मास्के, नेपाल पत्रकार महासंघका केन्द्रीय सदस्य रमेश खतिवडा, नेपाल प्रेस युनियनका केन्द्रीय सचिव लालकुमार मोक्तान, केन्द्रीय प्रतिनिधि रमेश ढुङ्गेल, नेपाल पत्रकार महासंघ दोलखाका सचिव दिल बहादुर केसी, नेपाल प्रेस युनियनका बागमति प्रदेश सचिव राजन वस्नेत, ट्रेड युनियन कांग्रेस दोलखाका अध्यक्ष शम्भु गौतम र नेपाल प्रेस युनियन दोलखाका सचिव श्याम खतिवडाले मन्तव्य व्यक्त गर्नु भएको थियो ।
5 महीना पहिले
114 Post Views
