दिपक बस्नेत 
फागुन १९, तामाकोशी । 
तामाकोशी गाउँपालिका वडा नम्बर ४ मालुको वडा कार्यलयमा ११३ औं अन्तराष्ट्रिय महिला दिवसको सन्र्दभमा आयोजित वक्तृत्वकला प्रतियोगिता सम्पन्न भएको छ । 
तामाकोशी गाउँपालिका वडा नम्बर ४ मालुको आयोजनामा भएको कार्यक्रममा वडा भित्रका महिलाहरुले प्रतियोगितामा सहभागिता जनाएका थिए । "आर्थिक, सामाजिक र राजनितिक सशत्तिकरणको लागि महिलाको भुमिका" विषयक प्रतियोगितामा विभिन्न आमासमुह, महिला स्वयमसेवीका, जनप्रतिनिधिको उपस्थिति रहेको थियो । 
"लैंङ्गिक समनताको  बलियो आधारः सिर्जनात्मक प्रविधिमा महिला पहुँचको विस्तार" भन्ने नारा साथ भएको कार्यक्रममा तामाकोशी गाउँपालिकाका अध्यक्ष प्रोण प्रताप के.सी. , वडा नम्वर ४ मालुका वडा अध्यक्ष नारायण खड्का सुरज, महिला जनप्रतिनिधि रीता पोखरेल, गीता खाती, संघसंस्थाका प्रतिनिधि लगाएतले कार्यक्रमको वारेमा प्रष्ट पार्नु भएको थियो । 
यस्तै तामाकोशी गाउँपालिका वडा नम्बर ६ च्याँमापनि कार्यक्रम भएको जनाइएको छ । 
                                    

2 वर्ष पहिले    518 Post Views