दिपक बस्नेत 
माघ ११, तामाकोशी । 
तामाकोशी गाउँपालिले वडा नम्बर ५ सहरे किर्नेमा संचालन गरेको तामाकोशी गाउँपालिका स्तरीय चौथो राष्ट्रपति रनिङ शिल्ड प्रतियोगिता समापन गरेको छ । तामाकोशी गाउँपालिका स्तरीय चौथो राष्ट्रपति रनिङ शिल्ड प्रतियोगितामा पालिका भित्रका विद्यालयहरुको सहभागिता रहेको थियो । 
खेल संचालन हुनु अगाबै खेल मैदानको विषयलाई लिएर सामाजिक संजालमा केहि असन्तुष्टि आएता पनि आयोजकले व्यवस्थापन गर्ने जनाएको थियो । आवश्यकता अनुसारको खेल मैदानको अभाव हुँदा हुदै पनि प्रतियोगिता मर्यादित र उल्लासका साथ संचालन भएको खेलमा सहभागि एक शिक्षकले बताउँनु भयो । 
माघ १० गते खेल समापन कार्यक्रममा आयोजकले समग्र नतिजाको आधारमा गोल्मेश्वर मावि मालु प्रथम, सितापाईला मावि जफे द्धित्तिय र जनजागृति मावि सहरेलाई तृत्तियको पुरस्कार वितरण गरेतापनि सीतापाईला माध्यामिक विद्यालय जफेले भने पुरस्कार बहिष्कार गरेको छ । 
पुरस्कार बहिष्कार गरेको सितापाईला माध्यामिक विद्यालयका प्रधानाध्यपक अर्जुन गौतमले वहिष्कार गर्नुको कारणबारे आफ्नो समाजिक संजाल फेसबुकमा लेख्नु भएको छ 'सीतापाइला माध्यमिक विद्यालय तामाकोशी(३, जफेले छात्रा भलिबल फाइनल जितेको र छात्र भलिबल फाइनलमा दुई सेट जितेर अन्तिम सेटमा १९ नम्बर प्राप्त गरेको र अमर माध्यमिक विद्यालय ले एक सेट जितेर अर्को सेटमा १३ नम्बर मात्र प्राप्त गरेकोमा आयोजक र निर्णायकले दुवै विद्यालयलाई बिजेता घोषणा गरी अकर्मण्यता देखाएको प्रति विद्यालय परिवार आपत्ति प्रकट गर्दछ' ।

यस्तै तामाकोशी गाउँपालिकाका अध्यक्ष प्रोण प्रताप के.सीले आफ्नो फेसबुकमा लेख्नु भएको छ  
"यथार्थत तामाकोशी गाउँपालिकाद्धारा आयोजित चौथो राष्ट्रपति रनिङग शिल्ड प्रतियोगिता भव्यता पुर्वक सम्पन्न भएको छ । जहाँ सम्म सीतापाईला माविको कुरा छ खेल अवधिभर विद्यार्थीको उत्कृष्ट प्रदर्शन, अनुसाशित व्यवहार अनुकरणी रहेको छ । समग्रतामा सीतापाईला मावि दोस्रो भएको छ । भलिवलको परिणमले पनि दोस्रो नै हुन्छ । । जहाँसम्म भलिवल खेलको कुरा छ, खेल सुरुहुन केही ढिला भएको हो । खेलमा पहिलोसेट सितापाइला, दोश्रो अमर मावि, तेश्रो सेट सितापाईला हुँदै चौथो सेटको खेल हुँदै थियो खेलमा सितापाईला १९ अमर १३ थियो । यसैसमयमा अमर माबिको खेलाडी घाईते भए । निर्णायकले घाइतेलाई मैदानबाहिर निकालेर खेल सुरु गर्न लाग्दा अमर माविले साँझ परेकोले खेलाडीले बल नदेख्ने निहुमा प्रोटेक्टस गर्यो । विवाद समाधान नहुँदै साँझ झमक्क पर्यो । हामी समापन समारोह गर्न अनुमानित समय भन्दा १ दिन पछि परिसकेका थियौ । समापन कार्यक्रम भयो । भलिवलको प्रथम र दित्तियको पुरस्कार स्थगित गरियो । सिकाई समय व्यवस्थापनमा कमजोरी भयो। अमर माविले खेलभित्रको गलत ट्याक्टिसको दुरुपयोग गर्यो सितापाईलाले हतारमा गलत निर्णय गर्यो नेतृत्व भिडको पछि लतारियो फेसवुके हरुले अन्ट न सन्टका स्ट्यास र कम्मेन्ट लेख्ने मौका पाए । हैसियत र दृष्टिकोण बुझ्ने मौका मिल्यो । समाजमा सम्हाल्ने भन्दा भडकाउने हरुको भिड ठुलो हुने र अराजकताको चर्चामा रमाउनेहरु धेरै हुने रहेछन धन्यवाद"

माघ ७ गतेबाट सुरु भएको प्रतियोगितामा अन्तिम समय माघ १० गते मंगलबार अमर मावि झुले र सीतापाईला मावि जफेविच भएको भलिबल फाइनलमा विवाद भएको थियो । खेल चलिरहदा अमर माविका एक जना खेलाडि लडेर घाईते भएपछि खेल रोकिन गएको र समयले  बत्तिको प्रतिक्षा गरिरहेता पनि खेल निरन्तर खेलाउने वा भोलिपल्ट खेलाउँने भन्ने विषयमा विवाद निष्किएको थियो । आयोजकले विवादबारे निर्णय लिन निर्णयक मण्डललाई जिम्मा लगायो र अन्तमा दुवै टिमलाई विजेता घोषण गरिएको थियो । प्रतियोगिताका दुवै टिमलाई विषयी घोषण गरे पछि सीतापाईला माविका सम्पुर्ण खेलाडि, खेल शिक्षक, शिक्षक अविभावक सम्पुर्णले मैदान छाडेर वाहिर निष्किएका थिए । हामिलाई यो मान्य भएन हामी कुनै पनि पुरस्कार लिदैनौं एक जना अविभाकले बताउँनु भयो ।  

प्रतियोगितामा गोल्मेश्वर माध्यामिक विद्यालयले ६ स्वर्ण, ती कास्य र एक सजत पदक जित हात पारेको छ । द्धित्तिय हुन सफल सीतापाईला माध्यामिक विद्यालयले पाँच स्वण, पाँच रजत र ४ कास्य पदक जित हात पारेको थियो भने तृत्तिय हुन सफल जनजाग्रिति माविले ४ स्वर्ण, १ रजत र १ कास्य पदकमा जित हात पारेको थियो । 
समापन कार्यक्रममा विजयी खेलाडि विद्यार्थीलाई कार्यक्रमका प्रमुख अतिथि कुन्दन राज काफ्ले, तामाकोशी गाउँपालिकाका अध्यक्ष प्रोण प्रताप के.सी, उपाध्यक्ष सृजना सुवेदी खड्का, वडा नम्वर ३ जफेका वडा अध्यक्ष राम प्रसाद काफ्ले, वडा नम्वर ४ मालुका वडा अध्यक्ष नारायण खड्का सुरज, वडा नम्बर ५ सहरेका वडा अध्यक्ष शम्भु प्रसाद फुयाँल, वडा नम्बर ६ च्यामाका वडा अध्यक्ष कृष्ण प्रसाद फुयाँल, तामाकोशी गाउँपालिकाका शिक्षा समिति सदस्य गोपाल तिमल्सिना विभिन्न विद्यालयका प्रधानाध्यपक लगाएतले पदक वितरण गर्नु भएको थियो । समापन कार्यक्रममा विभिन्न विधाका उत्कृष्ट खेलाडिलाई पनि नगद सहित सम्मान गरिएको छ । पदक वितरण कार्यक्रममा कालिका मावि हाँवाका खेलाडि पनि सहभागि भएका थिएनन् । "राति भएको खेल मन परेन हामी टाढाको विद्यालय पदक वितरणमा सहभागि हुँदा हामी बस्नु पर्ने भयो । समय अभावका कारण हाम्रो टिमको निर्णयले नवस्ने निर्णय गरेर हामी पुरस्कार वितरण सहभागि नभएका हौं । हामिले पनि विगतमा प्रतियोगिता संचालन गरेका हौ । सवै त्यहि सेटका खेल हो हामिले समयमा नै सकाएका थियौ । आगामि दिनमा प्रतियोगिता संचालन गर्दा ध्यान दिन सुझाव पनि दिन चाहान्छु" कालिका माध्यामिक विद्यालयका प्रधानाध्यपक भरत मुखियाले बताउँनु भयो । खेलको व्यवस्थापन श्री त्रिकुटेश्वर मावि किर्नेले गरेको थियो 


                                    

2 वर्ष पहिले    703 Post Views