दिपक बस्नेत
पौष ५, तामाकोशी ।
बागमती प्रदेश सदस्य माननीय कुन्दनराज काफ्लेले सबै धर्म मिलेर समाज हुदै देश विकास गर्नुपर्ने बताउँनु भएको छ ।
तामाकोशी गाउँपालिका ईसाइ समाज, दोलखाले आयोजना गरेको ख्रीष्टमस् शुभकामना आदान प्रदान कार्यक्रम २०७९ मा बोल्नु हुँदै काफ्लेले ईसाइ धर्ममा देखिएका समस्याको बारेमा बुझ्ने, अध्यन गर्ने र समस्या समधानमा मेरो योगदान हुने बताउँनु भयो । संगित र मेरिटेसन सवै धर्ममा हुने हुँदा सवैको आ आफ्नो महत्व हुने उहाँको भनाई थियो ।
कार्यक्रममा तामाकोशी गाउँपालिकाका अध्यक्ष प्रोण प्रताप के.सी. ले तामाकोशी गाउँपालिका भित्रका नागरिकले धर्मको नाममा विभेदमा पर्न नपर्ने र विभेद गर्न नहुने बताउँनु भयो । के.सीले ईसाइ धर्ममा आस्था राख्ने नागरिकको समस्या समधानको लागि स्थानीय तहले विभिन्न योजना तयार गर्ने बताउँनु भयो । यस्तै तामाकोशी गाउँपालिकाका उपाध्यक्ष सृजना खड्का सुवेदीले समृद्ध तामाकोशी गाउँपालिका निर्माणका लागि सवै धर्म जातजाती मिलेर लाग्नु पर्नेमा जोड दिनु भयो ।
कार्यक्रममा राष्ट्रिय ख्रीष्टियन महासंघ केन्द्रिय उपाध्यक्ष पाष्टर ज्ञान सुनुवार, राष्ट्रिय ख्रीष्टियन महासंघका बागमती प्रदेश समाजका सदस्य पाष्टर लोक बहादुर सुनुवार लगाएतले शुभकामना मन्तव्य व्यक्त गर्नु भएको थियो । तामाकोशी गाउँपालिकाका ईशाइ समाजका अध्यक्ष पाष्टर संजय सुनुवारको अध्यक्षतामा भएको कार्यक्रममा जनप्रतिनिधि, राजनितिक दलका प्रतिनिधि, बुद्धिजीवी, ईसाइ धर्ममा आस्था राख्ने महानुभावहरु, बिभिन्न मण्डलीका पाष्टरहरु लगाएतको उपस्थिति रहेको थियो । कार्यक्रममा समाजका उपाध्यक्ष पाष्टर द्रोणप्रताप के.सीले अतिथिलाई स्वागत गर्नुभएको थियो भने विभिन्न सांगितक कार्यक्रम र प्रथाना सहित शुभकामना आदान प्रदान गरिएको थियो ।