दिपक बस्नेत 
श्रावण १३, तामाकोशी । 
तामाकोशी गाउँपालिका वडा नम्बर ४ मालुमा "मेरो सुरक्षित गाउँ" कार्यक्रमको प्रगति विवरण तथा गाउँपालिकाको जोखिम संवेदनशील भू -उपयोग योजना सम्वन्धि छलफल कार्यक्रम सम्पन्न भएको छ ।  
तामाकोशी गाउँपालिका र भुकम्प प्रविधि राष्ट्रिय समाज नेपाल (एनसेट)को आयोजना र अमेरिकी अन्तराष्ट्रिय सहयोग नियोग ( युएसएआइडी /विएचए ) को आर्थिक सहयोगमा छलफल कार्यक्रम भएको थियो । छलफल कार्यक्रमसँगै तामाकोशी गाउँपालिकाका अध्यक्ष प्रोण प्रताप के.सीले सामुदायिक विपद् अध्ययन केन्द्रको उद्घाटन गर्नु भएको छ । 
तामाकोशी गाउँपालिका वडा नम्बर ४ मालुका वडा अध्यक्ष नारायण खड्काको अध्यक्षतामा भएको कार्यक्रममा पालिका अध्यक्ष प्रोण प्रताप के.सी, अपाध्यक्ष सृजना खड्का सुवेदी, एनसेटका कार्यकारी निर्देशक सुर्य नारायण श्रेष्ठ,  AID Development programe Specialist, Enviroment and Resilience office u.s agency for international development u.s. Embassy महाराजगञ्जका सन्तोष ज्ञवली लगाएतले मन्तव्य व्यक्त गर्नु भएको थियो । 
उद्घाटन सँगै संचालनमा आएको समुदायिक विपद् अध्ययन केन्द्रको हलमा भएको छलफल कार्यक्रममा गाउँपालिका भित्रका जनप्रतिनिधि, कर्मचारी लगाएतको उपस्थिति रहेको थियो । 
छलफल कार्यक्रममा "मेरो सुरक्षित गाउँ" कार्यक्रमको प्रगति विवरण, जोखिम संवेदनशील भू उपयोग योजनाको अवधारण, मस्यौदा योजनाको प्रस्तुती, मस्यौदा योजनामा छलफल, तामाकोशी गाउँपालिकाको बस्ती विकास, गाउँपालिकाको विकास योजना, भवन निमार्ण सम्वन्धी मापदण्दमा छलफल लगाएतका विषयहरु समेटीएका थिए । छलफल कार्यक्रमको सहजिकरण विषय विज्ञहरुले गर्नु भएको थियो ।
                                    

3 वर्ष पहिले    624 Post Views